Mai aur tu

Apni unn chaar aankhon se tu mujhse nazrein milati rahi,
Iss khoobsurat se subah ko aakar tu aur bhi khoobsurat banati rahi.

Kuch aise lamhe de diye tune,
Jo tu meri bechaini badhati rahi,
Par tere khwaab ke chakkar mein,
Mujhe nind sulati rahi.

Tu mere liye hi bani thi Mujhko aisa lag rha tha,
Ab koi kashmakash nahi thi Meri talab mein naam tera tha.

Meri aankhon me jo chamak thi woh teri badaulat thi,
Duniya haseen lagne lagi thi jo nigahon mein tu dikhne lagi thi.

Tu apni har pareshaniyan,har bechainiyam mujhe batati rahi,
Apni voh nadaan nadaaniyan bejhijhak dikhati rahi,
Jab kabhi main tera hath pakad leta,
Toh mann hi mann tu sharmati rahi.

Duniya ki nazar me hum kuch aur hi the,
Par tu mujhe apna dost bataati rahi.

Tu nind se lathpath rehti thi subah ko,
             Main kehta tha........
So jao mere kaandhe par,jhukaalo sar ko.

Aur tu boht pyaar se saaf inkaar kar diya karti thi,
Log galat samaj jayenge wale bahaane se tu aisa har baar kiya karti thi.

Jab tujhe maine pehli dafa dekha tha,
Toh socha nahi tha ki hum itne kareeb bhi kabhi aayenge,
Hum dono ka milna,
              Qismat thi,
              Ya marzi,
              Ya ittefaq,
Par bhanak nahi thi zara bhi ki hum ek doosre mein itna jaldi ghul jayenge.

Mere rang me maine tujhe ghola,
Tu apne rang se mujh milaati rahi,
Woh meri qismat thi jo teri har subah tu mere sang bitaati rahi.

Woh teri muskurahat mere udaas dil ko raahat se dilaati rahi,
Yeh lamha mera kat toh raha tha,
                  Par tu inhe....
Mere jeene ki wajah banaati rahi.


                     Thankyou 🙏